Hargaysa [Irmaan News] Askartii lagu qabtay dagaaladii dhex-maray ciidanka somaliland iyo kuwa maamulka Puntland ayaa la keenay qaar ka mid ah dhakhtarada Hargaysa

Askarta dhaawaca ah ayaa lala tacaalayay xaaladooda caafimaad waxaana ciidanka asluubta oo ilaalinaya maxaabiista masuuliyadooda ay dhakhtar geeyeen qaar ka mid ah maxaabiista

gawaadhida amniga maxaabiista sugaya ayaa ahaa kuwo diyaarsan isla markaana gaadiidka gurmadka ah ayaa lagu soo qaaday dhaawaca maxaabiista

marka laga tago kala qaybsanaanta dhanka siyaasada iyo arrimaha mucaaradnimada ah talaabadan ayaa ah mid bogaadin mudan isla markaana ay somaliland dheer tahay dalalka deriska ah

maxaabiis kala duwan ayaa lagu qabtay dagaaladii somaliland, lagaga soo qaaday gobolka sool, waxaana maxaabiistaas lagu qabtay ay noqdeen kuwo xaaladahooda caafimaad si dhow loola socdo

Isha Xogta :- Irmaan News