Hargaysa – Irmaan News – Ra’iisul wasaaraha dalka Itoobiya Abiy Ahmed, ayaa sheegay inay la kulmayaan cadaadis uga imanaya dalalka caalamka kaas oo la xidhiidha heshiiska ay la galeen Somaliland

Ra’iisul wasaaraha ayaa dedaal ku bixinaya sidii heshiiskan u dhaqan geli lahaa isla markaana uu u noqon lahaa mid meel mar ah

Dhanka Somaliland, masuuliyiin ayaa ka walaacsan heshiiska kuwaas oo ay ka mid yihiin xubno xukuumadda madaxweyne Muuse Biixi, ka tirsan

Wasiirkii gaashaandhiga Somaliland, ayaa is-casilay ka dib markii uu sheegay inaanu ku qanacsanayn heshiiska Itoobiya lala galay

In kasta oo dadka qaar ku dhaliilayaan wasiirka in dawladda Jabuuti, ay saameyn weyn ku leedahay is-casilaadiisa isla markaana isagu ba qiray inuu xidhiidh la leeyahay eheladiisa Jabuuti taas oo micno kala duwan loo fasirtay

Diyaaradda Itoobiya Airline, ayaa si dhab ah u aqoonsatay Somaliland, waxaana ay bedeshay booqashadii ahayd Hargaisa- Somalia iyada oo ka dhigtay Hargeisa-somaliland

Calanka Somaliland, ayaa lagu bedelay calankii soomaaliya taas oo ah talaabo aad u weyn oo bogaadin mudan madaama diyaaradu tahay mid dunida oo dhan safar u gasha

Heshiiska Somaliland, la gashay Itoobiya, ayaa dhabaha u xaadhaya aqoonsigii muddada dheer aanu raadinaynay taas oo iminka u muuqata mid dhabihiisii la qaaday