Madaxweynaha maamulka Puntland, Siciid Cabdilaahi Denni, ayaa waxa kulan la qaatay isimada dhaqanka ee magaaladda Laascaanood, kuwaas oo magaaladda Garoowe, u tegay inay dejiyaan xiisada ka taagan muranka doorashooyinka

Kulanka oo ka socda madaxtooyada maamulka puntland, ayaa ah mid warbaahintu dibad joog ka tahay isla markaana aan loo ogolayn

Isimada dhaqanka ayaa la kulmay mucaaradka waxaana ay ka shaqaynayaan inay xaalada dejiyaan isla markaana waxa ay qorshaha ay wadaan ka dhaadhacinayaan madaxweyne Denni

Madaxweynaha Puntland, ayaa sheegay inay ka go,an tahay inuu qabto doorasho qof iyo cod ah isaga oo rumaysan in xiliga hadii ay dhici waydo aanay weligeed la qabanayn

Mucaaradka maamulkaasi ayaa ku hanjabay inay dagaal kala hor-tegi doonaan hadii madaxweyne Denni, ku adkaysto inuu doorasho qof iyo cod qabto waxaana ay taageersan yihiin in nidaamkii odayaasha lagu soo xulo doorashada ku soo fool leh maamulkaasi

Irmaan News